ជាការពិតណាស់ Friend នៅលើ Facebook មិនគួរឱ្យទុកចិត្តឡើយ សម្រាប់គណនីដែលទើប Add Friend អាចមិនធ្លាប់ស្គាល់គ្នាពីមុន។ លើសពីនោះ មាន Friend ខ្លះ លោកអ្នកអាចមិនចង់ឱ្យគេឃើញនូវអ្វីដែលអ្នកបង្ហោះទៅលើ Facebook ឡើយ។ បើអីចឹងតើត្រូវធ្វើដូចម្ដេច? ទំព័រនេះ យើងសូមចែករំលែកគន្លឹះដ៏សាមញ្ញ ដើម្បីលាក់ Status ពី Friend របស់អ្នកនៅលើ Facebook ជាជាងការ Unfriend ដែលហាក់ដូចជាមិនល្អ។
១) ដំបូង Login គណនី Facebook របស់អ្នក ហើយវាយ Status អ្វីដែលអ្នកចង់បង្ហោះ និងពេលវាយអក្សរ ឬ upload រូបផ្សេងៗរួចហើយ កុំទាន់អាលចុចបង្ហោះ (Post)។
២) មុនពេលចុចលើ Post អ្នកត្រូវចុចលើពាក្យ Public → More Options → Custom ហើយកែ (Edit) នៅលើ Settings របស់អ្នក។
៣) នៅលើផ្ទាំងបន្ទាប់ អ្នកនឹងឃើញមានប្រអប់បំពេញ (Field) ចំនួនពីរ ដែលមួយគឺ៖
-Friend ដែលអាចមើលឃើញ Status របស់អ្នក
-Friend ដែលអ្នកមិនចង់ឱ្យមើលឃើញ Status នៅរាល់ពេលបង្ហោះ (Post)
៤) បន្ទាប់ពីបានបញ្ចូលឈ្មោះ Friend ទៅក្នុងប្រអប់ទាំងពីរខាងលើ អ្នកគ្រាន់តែចុចលើប៊ូតុង Save Change ជាការស្រេច។
៥) ឥឡូវនេះ អ្នកអាចកត់សម្គាល់ បានពាក្យ “Public” ពីក្រោមប្រអប់ Status ហើយប្ដូរមកឃើញពាក្យ “Custom” វិញ ដែលមានបញ្ជាក់ថា Friend ណាខ្លះ នឹងមិនអាចមើលឃើញ។ បន្ទាប់មកចុចលើប៊ូតុង Post ជាការស្រេច៕
