យើងដឹងហើយថានៅមានភាសាជាច្រើនទៀតដែលអ្នកចង់រៀន
ប៉ុន្តែវាពិបាកណាស់ក្នុងការស្វែងរកកន្លែងចាប់ផ្ដើមនៃការសិក្សានោះ។
ទាំងនេះគឺជាគេហទំព័រដ៏ល្អៗជាងគេទាំង៥ដែលជួយអោយអ្នករៀនភាសាដែលអ្នកគិតថាសាកសមសម្រាប់ខ្លួនរួមមាន៖
១) BBC Languages៖
គេហទំព័រនេះរួមបញ្ចូលដោយកម្មវិធីសិក្សា និងវីដេអូ
ដែលអ្នកអាចជ្រើសរើសភាសាបានជាច្រើនរួមមានភាសាបារាំង អាល្លឺម៉ង់ អេស្ប៉ាញ
និងអ៊ីតាលី។
ប្រភព៖neiljones.org
២) Duolingo៖ គេហទំព័រនេះ អ្នកអាចរៀនភាសាបរទេសបានច្រើនតាមរយៈការលេងហ្គេមប្រាជ្ញា។ ហើយអ្នកក៏អាចរៀនពីពាក្យគន្លឹះ ក៏ដូចជាឃ្លា និងប្រយោគរបស់ភាសាទាំងនោះផងដែរ។
ប្រភព៖titantime.org
៣) Rype ៖ ប្រសិនបើអ្នកមានចំណាប់អារម្មណ៍ចង់រៀនភាសាអេស្ប៉ាញនោះ គេហទំព័រនេះគឺពិតជាអាចជួយអ្នកបានច្រើន។ អ្នកនឹងបានរៀនជាមួយគ្រូដែលជាជនជាតិដើមអេស្ប៉ាញ ហើយពួកគេគឺមានពេលទំនេរជានិច្ចសម្រាប់អ្នក។
ប្រភព៖www.lifehack.org
៤) Busuu៖ គេហទំព័រមួយនេះគឺវាមានភាពស្រដៀងគ្នាទៅនឹងគេហទំព័រDuolingo ដែរ ។ ពួកគេប្រើប្រាស់ហ្គេម សម្រាប់ជាវិធីក្នុងការបង្រៀនភាសាដល់អ្នកទាំងអស់គ្នា។
ប្រភព៖www.busuu.com
៥) Memrise៖ គេហទំព័រមួយនេះគឺកាន់តែអាចជួយអោយអ្នកឆាប់ចេះនូវភាសាដែលអ្នកត្រូវការ ព្រោះវានឹងជួយអោយខួរក្បាលអ្នកឆាប់ចងចាំនូវពាក្យដែលអ្នកបានរៀន។ អ្នកអាចជ្រើសរើសភាសាបានជាច្រើនរួមមានភាសាបារាំង អាល្លឺម៉ង់ អេស្ប៉ាញ អ៊ីតាលី និងចិនផងដែរ៕
ប្រភព៖tech.firstpost.com
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.lifehack.org
