ឯកសារដែលនាង Pincus ប្តឹងទៅតុលាការបញ្ជាក់ថា Starbucks បោកប្រាស់អតិថិជនតាមរយៈការឃោសនាគួរឱ្យជឿជាក់ តែការណ៍ពិតបរិមាណកាហ្វេតិចជាងការឃោសនាជិតពាក់កណ្តាល ។ នាង Pincus បញ្ជាក់ក្នុងពាក្យបណ្តឹងថា តាំងពីខែមេសា ២០០៦ មកមានអតិថិជនជាច្រើនលាននាក់រងការបោកប្រាស់ព្រោះទាំងកែវតូច ទាំងកែវធំមានបរិមាណកាហ្វេ ឬភេសជ្ជៈតិច ឯភាគច្រើនជាទឹកកក។ ក្រុមហ៊ុន Starbucks បានប្រើខ្សែគំនូសខ្មៅនៅលើកែវ ដើម្បីឱ្យប្រាកដថា បុគ្គលិករបស់ខ្លួនដាក់ភេសជ្ជៈក្នុងចំនួនតិចជាងការបញ្ជាក់ក្នុង ពេលឃោសនា ។ ក្រៅពីនេះ Pincus លក់ភេសជ្ជៈក្នុងតម្លៃខ្ពស់ ។
ចំណែកក្រុមហ៊ុន « Stabucks » បញ្ជាក់ថា «បណ្តឹងនោះមិនសមហេតុផល និងមិនអាចយកជាការបានទេ ។ អតិថិជនរបស់យើងបានយល់ និងសង្ឃឹមថា ទឹកកកជាគ្រឿងផ្សំដ៏សំខាន់នៃភេសជ្ជៈត្រជាក់ » ។
Starbucks ជាហាងកាហ្វេមានសាខាចំនួន ២៣.០០០ នៅទូទាងពិភពលោក អាចរកចំណូលបានប្រហែល១៩.២០០លានដុល្លារ ក្នុងឆ្នាំសារពើពន្ធ២០១៥ ដោយកើនលើស១៦,៥% ពីឆ្នាំ២០១៤ ៕
